TU alima nung university tajungtiba 1000 rongnung züngsema lir

Guwahati, September 13 (Agencies): Küm ana atonga Assam kübok Tezpur University alima nung university tajungtiba rongnung temaba 1000 nung züngoksemogo.
Times Higher Education puri temaba jenjang nung aliba university 1000 indang list sayaogo aser yaküm ama Tezpur University 601-800 range nung tanaben züngoksema lir.
World University Rankings 2018 nung temaba jenjang nung aliba IISc aser IITs/NITs university dak alaka 601-800 range nung Tezpur University, Aligarh Muslim University, Benaras Hindu University, University of Delhi, Jadavpur University, Panjab University, Savitribai Phule Pune University densema lir.
Tezpur University ya Assam University aser Indian Institute of Technology Guwahati den külemi Assam Accord ajanga kümtetba rongnung ka züngshir.