U-19 WC final nung India team-i Australia kokogo

Mount Maunganui, Tsüklai 3 (Agencies): U-19 World Cup final nung India team-i Australia team wicket 8 agi ayong ayonga koka iba asayamung kokogo. India nungeri iba asayamung tang agi pezübenbuba koka otsü tasen ka yangluogo. Iba takok ya Rahul Dravid atemaa pa indang coaching career nung takok tulutiba lir.
Asaya nung Australia nunger asayartemi over 47.2 nung run 216 dang yanglur ajak out süadok. Parnok asaya nung mapang ka nungbo wicket 4 dang our sür run 183 yanglur liasü.
Australia nunger mezüng batting asüba nung parnok rongnungi Merlo-i run 76 yanglu aser Bowling mapang nung Sutherland o Uppal nati wicket kaka agi.
Asaya tanabuba shilem nung India nunger batsman tem rongnungi Manjot Kalra-i ball 102 nung out mesüi run 101 yanglu aser Desai-i ball 61 nung out mesüi run 47yanglutet. Parnoki iba asaya over 38.5 nung koka liasü.
India nunger bowler tem rongnungi Shiva (2/36) Anukul Roy (2/32), Ishan Porel (2/30) Kamlesh Nagarkoti (2/41) aser Shivam Mavi (1/46) nungeri wicket agia liasü.
Final asaya metenzükdang team anapronglai iba asayamung asemben ben koker liasü aser tang India team-i Australia ajatetogo.
India team-i kanga junga shilem agiba ya coach Dravid atema kanga tongtibang liasü shibai tatem nung World Cup trophy ka koktetogo. Pai aniba teloki 2016 küm Bangladesh world cup nung tanabuba jenjang dang tongteta laisü.
India team-i taoba mapang nung Unmukt Chand lenisüba kübok küm trok tejakdang iba asayamung tatembangsa koker liasü. 2008 küm Virat Kohli-i aniba team-i akok aser iba masüdang 2000 küm Mohammed Kaif lenisüba kübok India team-i iba asayamung koka lir.