Unger nung Tsüngremmong volleyball asayamong ayonger

Dimapur, July 15 (TYO): Young Spiker Club (YSC)-i Tsüngremmong nüngtem nung Volleyball asayamong ka tan July ita 31 nü nungi taruba August ita 1 nü tashi Unger yimtsüng nung asayatsü ayongogo.
Langpangkong area nung densemba yimtsüng aser jila nung tentetba teloktemi dang iba asayamong nung shilem agitettsü ta shia, tejangrartemi arua iba asayamong nung shilem agitsü tayongzükba olen ka asayamong tayongeri metetdaktsüogo.
Iba asayamong nung 1 buba, 2 buba aser 3 buba jenjang angur telok 3 nem senpet sen 15,000; 10,000 aser 5000 agütsütsü renemba den külemi, Player of the tournament aser Emerging Player of the tournament sempeta agütsütsü renema lir ta parnoki ashi.
Telok shia nungi shilem agitsü taa sen 1,500 agitsü aser telok shiai asayamong nung shilem agitsü shiti tan July ita 27 nü tashi nung tayonger ket tongtsütsüla.
Iba asayamong indang fixture renemtsü asoshi July 30 nü anogo lateta lir.
Asayamong den sentakba osang tali jangjashitsü jangrartemi phone no. 9862722918/8415960152 ajanga tongteprateptsü akok.