WBO Ranking nung Vijender Singh jenjang 6buba nung lir

New Delhi, Aenjeti 25 (Agencies): India nunger nüngtugu boxing asayar Vijender Singh super middleweight category, WBO rankings tawa sayaba nung jenjang pezü temaleni atua jenjang 6buba tongtetogo.
Vijender taoba ita Ghana nunger Ernest Amuzu den asayaba koka WBO Asia Pacific aser Oriental super middleweight belt defend süogo, aser pa Rongchii (April) nung taruba asaya asayatsü imlar.
Pai Commonwealth title atema jazüktsü akok.
WBO super middleweight ranking nung American super middleweight champion Jesse Hart temaba jenjang nung lir aser iba sülen tanabuba jenjang nung Brit Callum Smith lir.
Smith ya 2010 Commonwealth Games silver-medallist lir aser pai 2015 küm nungi European, British, aser WBC Silver super-middleweight title tem taoba küm tashi bena liasü.
Pa sülen pezübuba jenjang nung British nungersa Rocky Fielding lir.
Fielding-i British aser commonwealth champion bena lir aser pa taoba mapang nung WBA Inter-Continental super middleweight champion liasü.
Maneni pa ya taoba mapang Commonwealth aser English super middleweight champion liasü.