Windows 10 atema update tuluka October 17 nü arutsü

Berlin, September 2 (Agencies) : October 17, 2017 nü, Microsoft-i Windows 10 atema upgrade pezübuba – ‘Fall Creators Update’ sayatsü. Iba osang ya Hokolbarnü Berlin nung akaba IFA senden nung metetdaktsü.
Iba Creators Update ya taküm April ita nung adokba den mesüktepa lir aser ibaji mesüka Fall Creators Update yagi 500 million Windows 10 PC tem nung temelenshi tulu kar bener arutsütsü, ajisüaka temelenshi tilala aser updates aika bener arütsütsü.
Mapang talangka nungi ataa aliba Game mode ajanga nai lapokba game ajak anükanüka asayatettsü nükjidong lir. Tetezü, iba ya ajanga Skype mesüra Spotify apps tem lapoka ayuba ajanga na asaya aliba games nung timtem kangabo magütsütsü.
Windows Ink, Microsoft indang stylus writing technology nung upgrade ka angutsü. Tang nungibo PDF files nung indang indanga Surface Pen amshia sign sütettsü. Microsoft-i ano “Find My Pen” feature ta ser ka amshitsü merangdar aser ibaji ajanga styluses samaba ajema kümdaktsütsü ta ashi saka parnoki iba dak sendakba nung telung tonga ia ano kecha memetetdaktsü.
OneDrive cloud storage, “files on-demand” ajanga Windows 10 agi cloud nung file store süa alibatem aser local hard drive nung store süa aliba file na mebendangtsü; nai teti amshiba file explorer ajanga tapu ajanga navigate sütettsü. Ya mezüng amshitsü atema temangmangtsü ka lir aser iba ya ajabgasa nü PC indang storage ulushitsür.
Fall Creators Update den külemi ano update kar dena lir, teben kanga junga marakzütetertem asoshi ‘eye tracking mode’ dena lir, aser photos app-a redesigned süja lir.
Item updates ya standard Windows update feature ajanga October ita nungi download sütettsü.