Wiz Khalifa, French Montana nunger film tangok tenzükogo

Los Angeles, September 19 (Agencies): Netflix hip-hop movie production, “The After Party,” nung Kyle, Wiz Khalifa aser French Montana nungeri tongti shilem agir, aser iba film tangok tenzükogo.
Def Pictures-i Live Nation Productions, WorldStar Hip Hop aser Hunting Lane Films den senteper comedy film project inyaker, ta Variety osang ajanga metetdaktsü.
Iba film otsü ya Ian Edelman-i zülu aser paisa direct asütsü.
Iba film theme ji music business lir, kong tembar anati record tezüngzüktep ka agitsü atema maongka bushiba mapang nung ka college-i aor aser ka mitkar nung adener.
Iba otsü ya aonung ka tenzüker, aser iba film ya New York nung hopta trok tashi tangoktsü, aser item tesem rongnung Citi Field, Queens nung aliba The Meadows Music & Arts Festival densema lir aser Gramercy Theater nung live concert ka densema lir.
Kasa film nungsa Teyana Taylor, Jordan Rock, Blair Underwood, Harrison Holzer aser Shelley Hennig nungeria shilem agitsü.