Xolo-i ‘Black’ smartphone sayaogo

New Delhi, July 11 (Agencies): Lava International kübok aliba Xolo-i smartphone tasen ka sayaogo aser iba phone dang ‘Black’ ta ajar koba Flipkart den lokteper sen 12,999 agi ayoktsü.
Iba phone ya July 13 nü nungi talitsü angutsü.
“India nung online ajanga phone ayokba ya kanga takok ngua aoer. Black phone ya tamshirtem nem tajangshiba tajung agütsütsü asoshi atakteta yangluba phone ka lir aser iba Hardware nung tarutsü nunga amshitetba technology tashi keta lir, ta Lava International co-founder aser director Vishal Sehgal-i ashi.
Iba phone tasenba ya ‘second generation 64-bit octa-core Qualcomm Snapdragon 615’ aser ‘2 GB DDR3 RAM’ ajanga amshir. Khen lir Hive user interface (UI) melena ‘Android Lollipop’ nung mesenloka yangluba Hive Atlas adoktsü.
Iba phone telung nung 16 GB memory keter yanglua lir saka microSD inokba tesem (slot) amshia 32 GB tashi ulua kümtettsü. Iba phone nung 4G LTE amshitettsü aser ‘hybrid dual-SIM slot’ dena mesenloka lir.
Ano tajung kaji Xolo Black tesülen ya camera ana inoka lir koba ajanga nisung tenük indang ‘imaging system’ tangoka ayur. Iba camera ana yagi iba maparen asoshi 13 megapixel aser 2 megapixel amshir. Tejaklen aliba camera ji 5 megapixel lir.
Phone nungsa ‘Adobe Photo Studio’ inokja lir aser ibaji ajanga noksa melenshia yanglutettsü. Iba phone nung 3200 mAh battery amshir.