Yamaha India-i YZF-R3 BS-4 sen lakh 3.48 agi sayaogo

New Delhi, Tsüklai 9, 2018 (Agencies): Tanü Auto Expo sentong nung India Yamaha Motor (IYM) Pvt. Ltd den Bollywood star aser Yamaha atema brand ambassador, John Abraham-i, nüngtugu sports model YZF- R3 sayaogo. YZF-R3 tasenba nungji dual channel ABS (Anti-lock Braking System) den külemi Metzeler radial tyre keta alitsü. Bike jenjang sen lakh 348,000 (ex-showroom Delhi) alitsü aser bike ya authorized Yamaha delearship nung angutsü.
Iba bike indang break nung Anti-lock Braking System (ABS) aketba ajanga, lenmang tanüla nung senzüdang brake fluid pressure jaki automatic agi brake sotettsü, aser iba ajanga bike ji ajushishia mesüra ajua maotsü. YZF-R3 tasenba nung high-safety performance atema Metzeler radial tyres keter arutsü.
Bike model tasenba ya sentsü tapu ana nung angutsü; Racing Blue aser Magma Black alitsü. Taoba küm 2016 nung “Indian Motorcycle of the Year (IMOTY)” nung YZF-R3 ajanga Yamaha company-i tenüngsang tulu ngua liasü. Taoba adokba ama, kasa twin cylinder engine keta alitsü.
Maneni, 321 cc(cubic capacity) engine tsütsü reprangdangra, bike nung liquid-cooled, 4-stroke, in-line 2-cylinder den fuel-injected, koba ajanga smooth power delivery agutsütsü aser kecha anibelem makai anishitsü.
Iba sentong nung, “India nung YZF- R3 bike-i takok ngua nüngtugu akümba ya company puri tulu ka inyaktetba ajanga lir,” ta Yamaha Motor India Group of companies nung mendenbuba, Mr. Motofumi Shitara-i ashi.
“Tang tashi nung Yamaha company pur kanga junga dang arudar aser parnoki küm nungi küm innovative aser stylish product agi talirtem süngmangdakja lir. YZF-R3 tasenba sayaba agi, iba bike anirtemi ‘art of technology’ melenshiba metettsü,” ta Yamaha atema brand ambassador, John Abraham-i ashi.