Zayn Malik-i AR Rahman den Hindi ken ka record süogo

Tsüklai 09, 2018: Taoba mapang One Direction telok nung züngsem, Zayn Malik-i Hindi aser Urdu oshi tendanga Bollywood ken kar record südar, ajioda pai mezüngbuba Hindi ken ka record süogo.
Arishi küm 25 kentener, Malik tebu ya British-Pakistani lir aser pai (Malik) Grammy-award angur Bollywood soundtrack mejemer, AR Rahman den ken ka record süogo, aser ibaji Bollywood film tasen ka nung amshitsü imlar.
Indian Fashion magazine den jembidang Zayn-i, ”Ni Hindi oshi nung ken atenba mezüngbubaji ibaji lir, anungji tangartemi koma telangzüba agutsüdir ta repranga atatsüji jangratemtsüka lir,” ta metetdaktsü.
”Urdu oshi aika lir aser qawwali sounds tajung kar lir. Ano bhangra vibes-a kar lir. Ni ken ka nung AR Rahman den külemi inyakogo,” ta paisa ashi.
Tawa pai pa tedong, Gigi Hadid nüngtem nung yangluba ken tatsüka sayaa liasü.
America tsür model, Gigi tena küm ana dak tema meimtepa arudar, aser pai ken tasenba nungi shilem tilaka pa indang Instagram profile nung lemsatepa liasü.
Kenjang nungji, ”Ni nüngdakba tetsür ajak agi la lir,” ta tena lir.
Paisa acoustic guitar ka atemba video ka photo-sharing app nung lemsatepa liasü aser iba nungji ”jammin (sic)” ta zülua lir.
‘Still Got Time’ ken atensang, Malik-i ken tasen ka, ‘Hurt’ sayaba sülen mapang tatsüka nung tedong nüngtem nung iba kenji record süogo.