1 buba Dimapur District Volleyball asayamong asayar

Naga Colony Youth Organisation-B aser Naga Colony Youth Organisation-A asayartemi 1 buba Dimapur District Volleyball asayamong nung shilem agiba noksa ka yangi angur. B teloki set 2-0 agi A telok madak takok ngua liasü. (Dimapur, October 27)

Dimapur, October 27 (TYO): Dimapur District Volleyball Association (DDVA)-i ayonger külen Dimapur kübok DDSC Staduim nung 1 buba Dimapur District Volleyball asayamong tanü, Brehostibar nü nungi tenzüka asayatsü tenzüktsüogo.
Tan asayamong lapokba sentong nung DDVA Tatong Tir, Basu Damani tongti tesemdanger liasü.
Anogo 3 agia asayatsü ayongba asayamong nung Naga Colony Youth Organisation-B, Yepeka’s Club, United Club Padampukhuri, Naga colony Youth Organisation-A, ZVYC, Brotherhood aser Nona Brothers densema, ajak agi asayatsü telok 7 tashi shilem agitsü tenzüka lir.
League aser knock out yimya nung asayaba asayamong final asaya tan Honibar nü asayatsü renema lir.