Kohima, August 5 (TYO): Tanü Bodbar nü nungi tenzüka 1 buba Kohima District Chess Championship 2015 Kohima kübok APO Conference Hall nung asayatsü tenzükogo.
Nagaland Chess Association (NCA) nungi temelaba agiba sülen Kohima District Chess Association (KDCA)-i iba asayamong ya ayonga lir.
Nagaland Parliamentary Secretary, Youth Resources & Sports, State Lotteries & Music Task Force, Khriehu Liezietsu-i lapoktsüba sülen iba asayamong asayatsü tenzüka liasü.
Swiss league yimya amshia round 9 tashi asayatsü renemba asayamong nung Kohima district nungi Elo international jenjang anguba chess asayar 6-i shilem agiba osanga jangjaogo.
Iba asayamong nung mezüngbuba, tanabuba, tasembuba aser pezübuba jenjang angurtem nem senpet sen 10,000, 7000, 5000 aser 3000 agütsütsü renema lir.
Tan August ita 7 nü tashi asayatsü ayongba asayamong nung chess asayar 24 tashi shilem agitsü tenzüka lir.
1 buba Kohima District Chess Championship 2015 tenzükogo added by nungsang on
View all posts by nungsang →
You must be logged in to post a comment Login