1 buba Lt. Toshi Wungtong Memorial Football Tournament tenzükogo

Dimapur, Mongputeni/Oct. 10 (TYO): Shamator jila nung mezüngbuba Lt. Toshi Wungtong Memorial Football Tournament 2nd Zonal Tournament ama October 10, 2025 nü tenzükogo. Mezüngbuba Zonal Tournament ya Chessore jila nung agi, kong Chessore Zone kübok Kuthuru Village-i takok ngua liasü.

Iba asayamung tenzükba sentong nung Yimkhiung Akherü Arihako (YAA) indang taoba tir aser Shamator District Football Association (SDFA) tatong tir Solumba Yimkhiung-i asayartem dang football tongtipang akumba indang lemsatep aser district telungzük nung ayongzükba football asayamung ajanga pei district indang Football Association nungi jelia temelaba agitsüla ta ashi.

Pai asayar ajunga dang AIFF/NFA rules ama CRS nung tenüng züluoktsü ayongzük aser asayartem dang team spirit alitsü, yimya tajung amshitsü aser meranga inyaktsü ajungshia liasü.