Dimapur, August 24 (TYO): Nagaland Adventure Club (NAC)-i Nagaland tenüng nung 1 buba Lyngwiar Auto Cross 2015 tetoktepba sentong nung takok tulu ngua shilem agiogo.
East Jaintia Adventure & Motorsport Association (EJA & MA)-i tan August ita 21-22 nü tashi ayongba tetoktepba sentong nung Meghalaya, Assam, Mizoram aser Nagaland nungi shilem agia liasü.
Car shilem nung Meghalaya nungi Larry Mukhim-i mezüngbuba jenjang angu aser pa sülen anidaka, Nagaland nungi Anguzo sekhose-i tanabuba aser Meghalaya nungi Simon Sympli-i tasembuba jenjang ajangzük.
Sports Utility Vehicle (SUV) shilem nung Nagaland nungi Anguzo sekhose-i mezüngbuba jenjang angu aser Nagaland nungisa, Lima Jamir-i tanabuba aser Meghalaya nungi Larry Mukhim-i tasembuba jenjang angu.
1 buba Lyngwiar Auto Cross 2015 tembangogo added by asungba on
View all posts by asungba →
You must be logged in to post a comment Login