1 buba Master Shield T20 cricket Trophy tenzükogo

CCC aser Trebuchet na asayaba mapang Trebuchet nungi bowler Yangerbai CCC nungi batsman Amos stump out sütsüba mapang tangokba noksa nung angur. (Mokokchung, Jan uary 28)

Mokokchung, January 28 (TYO): January 28 Brihostibar nü Mokokchung ADC, Rajesh IAS ajanga 1 buba Master Shield T20 cricket Trophy yangi Imkongmeren Sports Complex Mokokchung nung tenzüktsüogo. Taküm iba asayamong nung Dimapur aser Wokha nungi densema telok 10-i shilem agidaki.
Iba asayamong Group ‘A’ aser ‘B’ ta küma lemsar asayadaki. Group A nung Musafir, Skylark (bye), Illume, Vincent aser Mavericks nungertem lir. Group B nungji Clippers (bye), CCC, Trebuchet, Ao Kings aser Pirates nungertem asütsü.
Tanü 1 buba match Group A nungi Musafir aser Illume na asayaba sülen Musafir teloki run 3 agi akok. Iba asaya nung Man of the Match sempet Musafir nungi Imtisünepi angu. Pai 98 runs yanglutet. 2 buba Match Group B nungi CCC aser Trebuchet na asayaba Trebuchet teloki wicket 6 agi ayong ayonga akok aser iba asaya nung Man of the Match sempet Trebuchet nungi Aosüngkümi agizük.
Tematiba jenjang angur nem tanga senpet den senpet sen 30,000 aser tanabuba jenjang angur nem senpet 15,000 agütsütsü. Iba den ano nija senpet balala agütsütsü tayongertem sentong lir.
Asüng, Hokolbar nü 1buba match Vincent Vs Mavericks na asayatsü aser 2 buba match Ao Kings Vs Pirates na asayatsü.