1 buba Men’s Open Amateur Badminton Tournament tenzükogo

Asian Football Confederation (AFC) Coach, Roko Angami-i Men’s Amateur Badminton Tournament Rusoma yimtsüng nung lapoktsüba sülen RVYSA ketdangser aser Rusoma lenirtem den aroki agiba noksa ka yangi angur. (Rusoma, September 29)

 Dimapur, September 29 (TYO): Asian Football Confederation (AFC) Coach & taoba international football asayar, Roko Angami-i 1 buba Men’s Open Amateur Badminton Tournament tanü, Brehostibar nü tenzüktsüogo.

“Asayartemi bendanga agütsüba den temulungtetba tulu yur tazüokba nung lia, asaya balala nung shilem ajanga takokba angutsü. Asayar shiai pei asayatsüren temaba jenjang nung ajungkettsütsü aser takok angutsü atema maongka tajung ajak alangzüktsü ajungshir,” ta Nagaland Football Coaches Association nung Tir mendena abensang, Roko-i asayamong lapoktsüba jakdang metetdaktsü.

“Asayartemi pei sempet sayutettsüsa aser par asayatsüren jenjang tajungba kümdaktsütsü atema sabang tajung renemtsüba atema tayonger danga pelaba metetdaktsür,” ta pai ashi.

Anogo 3 agia asayatsü asoshi Rüsoma Village Youth & Sports Association (RVYSA)-i ayongba asayamong nung Nagaland tesem balala nungi asayar 14 tashi singles tetoktepba aser telok 25 tashi doubles tetoktepba nung shilem agitsü tenzüka lir.