1 buba T20 asaya: S Africa-i wicket 7 agi India akok

Dharamsala, October 03 (Agencies): India opener, Rohit Sharma-i century yangluaka, JP Duminy-i kangasa junga asaya yong par South Africa teloki wicket 7 agi India madak takok ngua par linük ana tsüngda asayaba 1 buba Twenty-20 (T20) Internataional asaya yashi Hokolbar nü asayaogo.

Asaya akoktsü asoshi runs 200 alizüng ajangzüktsü atema runs 10 nungdaka alidang Duminy-i 6 buba six yangluba den külemi, pai maneni run 1 agisemba yong par teloki points 1-0 agi India madak asaya 3 densemba T20 series nung jenjang tajungba angu.

Duminy-i balls 34 nung runs 68 tashi yanglua par S Africa telok nem takokbaji bener arutsü.

Sharma-ia balls 66 nung runs 106 tashi yanglua kanga junga asaya saka par India teloki tamakok ajurua liasü.

Par telok anati tanabuba T20 asaya taruba Hombar nü Cuttack yimti nung asayatsü.

You must be logged in to post a comment Login