1 Nagaland (G) Bn NCC Kohima training tembangogo

NCC Group HQ, Kohima kübok 1 Nagaland (G) Bn NCC anogo 10 nü Annual Training Camp Loyola Hr Sec School, Jakhama nung agia aruba sülen tanü tatembangbuba sentong agidang tangokba noksa nung angur.

Kohima, Chiteni/July 02 (TYO): NCC Group HQ, Kohima kübok 1 Nagaland (G) Bn NCC anogo 10 nü Annual Training Camp Loyola Hr Sec School, Jakhama nung agia aruba sülen Chiteni/July 02, 2018 nü tembangogo. Iba training nung tetsür cadets 539 den Nagaland kübok district ajak nungi Associate NCC Officers dena liasü.
Iba camp tongtibangtiba nükjidongji NCC Cadets lenla ajak nung renlokdaktsütsü atema liasü, aser item rongnung military training- Physical training, Drill, Weapon training den külemi loktiliba dak sendakba- linük yangerba, Motivation, Career planning, general health aser hygiene densema agia liasü.
Iba camp takok ngua tembangba tenüng nung NCC Cadets-i cultural programme-a ayongzüka agi, aser iba sentong nung tongti tesemdangerji Brig SS Dhankhar, Gp Cdr NCC Gp HQ Kohima aser tetushi tejaokerji Fr Victor D’Mello, Principal Loyola Hr. Sec. School, Jakhama liasü.
Ano saisapong, Tent Pitching, Firing, Map reading, Drill aser cultural programme nung tetoktepba balala agia sempet agutsü.
Col Rajeev Kumar, Camp Commandant, Annual Training Camp-i, training curriculum nung nüngtugu nisungtemi HIV Aids, drug abuse, vector borne diseases, disaster management aser health & hygiene onüktem nunga jembia liasü, ta metetdaktsü.
Weapon display aser career counseling 164 Naga TA Bn & 3 (NH) Assam Rifles Bn-i agia liasü.