10 buba KDVA Foundation Day anogomong mongogo

Kohima, September 12 (TYO): 10 buba Kohima District Volleyball Association (KDVA) Foundation Day anogomong tanü Honibar nü Garden Rhoda, Zana nung mongogo.
“KDVA küm 10 tain akümba den külemi, KDVA-i kümshi volleyball asayamong ayonga Nagaland nung volleyball jenjang temalen ajungkettsüba atema pelaba lemsateper,” ta Teisobou Sekhose, DSO & Administrator, IG stadium, Kohima-i tanü sentong nung metetdaktsü.
“KDVA-i volleyball asayatsüren nung tongti shilem agiba ajanga Nagaland sorkaria volleyball jenjang tajungba kümdaktsütsü maparen tenzükogo,” ta pai shisem.
“KDVA ya September 3, 2005 küm tentet saka ajaki tetsükdakba kecha majurui shilem agidaktsütsü tangatetba nung KDVA tentetba anogomong sentong tanü Honibar nü amongtsü lemtet,” ta KDVA Tir, Visasielie Suohu-ia osang jangjashitsü.
“KDVA nem senotsü teyari agütsüba den külemi, ozü Foundation Day anogomong sentong Garden Rhoda nung amongtsü maongka agütsüba atema Garden Rhoda, Zana kibur, Er.Dr. Vikuotuolie Suohu den pelaba lemsateper,” ta shia, taruba Organising Committee & All Committee senden tan September ita 15 nikongdang 3:00 ako nungi tenzüka KDCC Office, Congress Bhavan, Old Secretariat area nung amentsü ayongba osang ka pai metetdaktsü.
Ano külen, 3 buba KDVA asayamong taruba October ita 19-24 nü tashi Kohima Local Ground nung asayatsü sentong renemba osang ka Organising Committee Convenor, Dzuvichuto Khale-ia tanü sentong nung sangoktsü.
Tanü Henilo Thong-i aniba sentong nung Tsüngrem temoatsü meshia Vikrosa Zecho-i sarasademba sülen Shwenlozu-i ken ka aten aser Khale-i tepela o jembia liasü.