10 buba Senayangba Cultural Festival amung

Dimapur, August 2 (TYO) : Oboula nunger sobaliba wazüka ayutsü nükjidong nung Salukum Rogo Ungma-i kümshia Senayangba Cultural benjung ayongzüka amunger.
Taküma Tsüngremmong benjung tamaitsü metetdakja Salukum Rogo-i Bapu Tzubu Amphitheatre, Ungma nung 10 buba Senayangba Cultural Festival ayongzüka amung.
Sentong nung tongti tesemdangerji Nagaland Legislative Assembly Deputy Speaker, Imtikumzuk Longkumer aser tetushi süa jaokerji Higher & Technical Education Parliamentary Secretary, Deo Nukhu liasü.
Sentong nung Ungma nungi cultural club balala, Sema Settsu aser Gorkha Union Mokokchung nungertemi shilem agi.
Asür Senayangba ya Dr. S.C.Jamir tebu lir aser pa 1903 nung aso aser 1988 nung akümli toktsür ao. Asür Senayangba ya tesayur ka, yimsüsür ka aser lokti atema mapa inyaker ka liasü aser pai mapa tajung inyakbatem nübortemi teti bilemeter.