10.or D Smartphone India nung tanü sayaogo

December 21, 2017 (Agencies): Amazon India puri pocket-friendly smartphone 10.or D tanü sayaogo. Iba smartphone 2 GB model ya sen 4,999 aser 3 GB version sen 5,999 agi angutsü. Iba device ya January 5 nungi tenzüka alitsü asoshi angutsü. Maneni Amazon puri Prime customers shirnoki iba phone alidir parnok nem küm ka warranty agütsütsü. 10.or D ya Amazon pur indang smartphone tasembuba lir. Parnoki taoba mapang nung 10.or G aser 10.or E sayaogo. 10 .or E aser 10.or G smartphone ana ya Huaqin Technology den partnership nung yanglu saka 10.or D smartphone yabo Longcheer den partnership nung yangluba phone ka lir.
10.or D smartphone nung 5.2-inch HD resolution display (720 x 1080 pixels) ka aser 1.4GHz quad-core processor Snapdragon 425 processor (Cortex A53) den Adreno 308 GPU keta lir. Iba device ya tapu ana nung angutsü, ka 2GB aser internal storage 16GB aser ka 3GB RAM aser internal storage32GB ta alitsü. 10.or D smartphone nung battery tashiji 3500 mAh lir aser iba ajanga phone ya anogo ana tashi tashi agüja amshitettsü.
Camera tsüstsü iba phone ya reprangdangra, 10.or D nung teselen camera flash dena 13-megapixel aser tejaklen camera 5-megapixel ta keta lir. Iba phone yagi OTG den support asür aser FM Radio aamshitettsü.