10buba Music Awards of Nagaland 2018 sentong tanü agitsü

Dimapur, Luchii/December 06 (TYO): Kanga dang yongyaa-ataba Music Awards of Nagaland edition 10buba awards presentation ceremony sentong ya tanü Luchii 07, 2018 nü Bamboo Hall, Kisama nung nikongdang 5:30 ako nungi tenzüka agitsü.
Native Trax Society-i 2009 kum nungi tenzüka aser takum agi kum ter buba MAN trophy sentong achaayanga arudar. Iba sentong atema music indang genre balala nungi kentener 62 nominee süa lir.
Gospel (Osangtajung Ken) nungi Best songs, Gospel (Pei oshi nung adenba), Rock (Alternative/ Indie), Rock (Metal/ Heavy), Hindi & Local dialects, Pop, Hiphop/ Rap, Folk Fusion, Instrumental, EDM aser EDM (den vocals) genre tem nungi tendanga award ajak agi 21 agütsütsü renema lir.
Item dak alaka, ‘Song of the Year’ atema award balaka agütsütsü. Iba award ji nüburtemi shimba ‘public choice award’ ka asütsü, kong Music Awards of Nagaland Facebook Page aser Youtube channel nung nominee indang ken nung Likes, Shares aser Views timtiba angur nem agütsütsü.
Iba den bendenloksema, technical telemsa nung sempet tajung amshia aser mapa meranga inyaker nem Best Music Video, Best Video Director, Best Sound Engineer, Best Producer, Patron Award aser Best Lyricist/Songwriter atema agütsütsü. Iba award agütsüba yimya ya Nagaland nung local music industry indaktsütsü aser ajungmesotsü nükjidong nung agir.
Iba show sentong, koba Tourism Department aser IWSN nati nüngiter, taoba ama nüngtugu Rapper aser VJ Imli Lee a.k.a. Déjà vu nati ketdangsüa agitsü. Sentong nung Nagaland indang music, fashion aser beauty industry nungi tongtibang nisungtem aruagi adentsü.