11 buba KDVA anogomong Sept. 3 nü agitsü

Kohima, August 27 (TYO): 11 buba Kohima District Volleyball Association (KDVA) anogomong sentong taruba September ita 3 nü 12:00 ako nungi tenzüka Sithie Park, Tsiese Basa nung agitsü renemba osang ka KDVA-i tanü sangdong ka ajanga metetdaktsüogo.
KDVA nung asensa züngsemtsü jangrartem nungi tenüng züluoktsü taasen, sen 500 aser tejen züngsemtemi par tenüng tanaben züluokshitsü taasen, sen 200 agitsü renema aser iba senji temonoba agi September ita 3 nü tashi nung KDVA ket tongtsütsü metetdaktsüogo.
KDVA anogomong sentong nung KDVA Search Committee-i 2016-19 kümsük atema ketdangpur tasen shimba osanga sangdongtsü renema lir.
Iba anogomong sentong nung KDVA züngsem aser KDVA pusemer ajungai shilem agitsü tayongzükba olen ka KDVA-i kasa sangdong ajanga metetdaktsüogo.