11th Marsosang football trophy Tongpangsanger B-i benogo

11 buba Marsosang Football Trophy 2017 champion team Tongpangsanger ‘B’ den tongti tesemdanger Mokokchung District Education Officer, S.T. Nokdang Longkumer noksa nung angur.

Mokokchung, Dec 19 (TYO): Dec 12 nungi tenzüka 11 buba Marsosang football asayamung Govt. High School Chuchuyimlang Football Ground nung asayaa arur tanü tembangogo aser taküm iba asayamung marokji Tongpangsanger B-i benogo.
Tanü Tongpangsanger B o Tongpangsanger A na final asayaba Tongpangsanger B-i goal 6-1 agi parnok madak takok ngua champion aben. Taküm iba asayamung nung telok 11-i shilem agia liasü.
Champion team nem kuli kaket den senpet sen lakh ka (100000/-), runner-up team nem meyi tenem (50,000/-) aser semi final nung tsüker nema meyi pungu-ngu agütsü.
Nija senpet agizükertemji; Most Promising Player: Angümshijung (Arka United FC), Highest Goal Score: Awang (Tongpangsanger B), Best Defender: Tongpangnungshi (Tongpangsanger A) aser Best Goal Keeper: Nungsangyanger (Tongpangsanger B), Player of the Tournament: Sentiomen (Marsosang SC) nungertem liasü.
Iba asayamung shibangba den senpet agütsüba sentong nung Mokokchung District Education Officer, S.T. Nokdang Longkumer tongti tesemdanger jaoka meraketa agia liasü.