12 buba Asian Shooting C’ship: India-i medal 5 agizükogo

Kuwait City, November 03 (Agencies): India’er prangpong toktepa kashishir teloki tang tasayadak 13 buba Asian Shooting Championship asayamong nung medal 5 tashi agizüka tanü, Mongolbar nü nungi tenzüka shilem agi tenzükogo.
India tsürtem, Prachi Gadkari, Gayatri Pawaskar aser Aashi Rastogi nungeri ajak agi points 122.8 ngua tetsür 10m air rifle youth telok shilem nung mezüngbuba jenjang ngua gold medal agizük.
Kasa shilem nung Korea tsürtemi silver aser Bangladesh tsürtemi bronze medal agizüka liasü.
Prachi-i individual shilem nunga points 181.3 ngua bronze medal agizük.
Tetsür junior 10m air rifle individual tetoktepba nunga Mampi Das aser Shriyanka Sadangi nati 4 aser 7 buba jenjang ngua final nung shilem agitsü jenjang angu.
Tenatisa junior 10m air rifle telok shilem nung points 1228 ngua silver agizük.
Kasa shilem nung Iran-i points 1233 ngua gold aser Korea-i points 1227.8 bronze medal agizüka liasü.
Tebur junior 50m free pistol tetoktepba nung China nunger Bowen Zhang aser Malaysia nunger Abdul Hadi Abd Malek na sülen anidaka, India nunger Sumedh Kumar-i bronze medal agizük.
Sumedh aser Suraj Bhambani nati tebur junior 50m free pistol telok shilem nunga points 1613 ngua silver agizük.
Kasa shilem nung Korea teloki gold aser Thailand teloki bronze agizüka liasü.