12 buba NLA atema traffic tetuyuba agütsür

Dimapur, March 18 (TYO) : March 21, 2017 nungi 12 buba Nagaland Legislative Assembly indang session terpungububa atema Kohima nung Superintendent of Police-i traffic tetuyuba kar metetdaktsüogo.
Assembly session alidang ‘car pass’ shitak alirtem dang Assembly Secretariat telungi idaktsütsü, ta Superintendent of Police-i sangdong ka nung ashi.
Maneni, assembly agiba mapang anepdang 6:00 ako nungi tenzüker tsünglanglen agüja aliba lenmangtem nung gari manendaktsütsü.
(a) BSNL Telephone Exchange nungi Classic Island tashi.
(b) Raj Bhavan nungi M.S Classic Island tashi.
(c) Razhü Point adena Classic Island nungi Assembly Secretariat tashi.
Assembly Session mapang, Sanuoru subway adena High School junction nungi Assembly Secretariat tashi ‘Govt. departmental bus’ dak alaka tanga gari tulutem mesenzüdaktsütsü.
Assembly session alidang anepdang 7:00 ako nungi session metembang tashi Kohima jila nung gari tulutem mesenzüdaktsütsü aser anepdang 7:00 ako matongdang ‘loading & unloading’ tembangtsüla, aser “D” Block road nung gari tulutem anena meyudaktsütsü, ta Kohima SP-isa sangdong nung ashi.
Public-i item tetuyuba kübok anidaktsü imlar aser tashi mangartem indang gari police-i atsür aotsü aser iba taaji gari kiburtemi menoktsü, ta paisa shisem.