12 buba SAG atema terenemshiba tulu agir

Guwahati, February 03 (Agencies): India North East kübok Guwahati aser Shillong na nung anogo 11 shi agia asayatsü ayongba 12 buba South Asian Games (SAG) asoshi terenemshiba tulu agi tenzüka lir.
Tetsür o tebur Football, Boxing, Archery, Tennis aser Kho-Kho densema, asaya shilem 23 nung toktepa shilem agitsü asoshi linük 8 nungi asayar 2,672 shi terenemshiba tulu agia lir.
Küm 4 nung ken asayaba 12 buba SAG asayamong ya Guwahati nung tan February ita 5 nü aser Shillong nung tan February ita 6 nü tenzüktsü.
“India Ato Kilonser, Narendra Modi-i Guwahati nung tan Honibar nü agitsü renemba 12 buba SAG asayamong lapokba sentong nung shilem agitsü metetdaktsüogo,” ta Sports Secretary, Rajiv Yadav-ia metetdaktsüogo.