12 buba South Asian Games tetsür individual 10m air pistol tetoktepba nung India tsürtem, Shweta Singh (Tiyongtsü)-i gold, Heena Sidhu (Abelen)-i silver aser Yashaswini Singh Deswal-i bronze agizükba sülen aroki agiba noksa ka yangi angur. (Guwahati, February 15)
Guwahati, February 15 (Agencies): Tang India Northeast kübok Guwahati aser Shillong na nung tasayadak 12 buba South Asian Games (SAG) asyamong tembangtsü anogo ka anünga alidang, tanü Hombar nüa India teloki medal 289 tashi agizüka asayar telok rong nung tembang jenjang ngua lir.
India teloki gold 173, silver 86 aser bronze 30 densema, ajak agi medal 289 ngua temaba jenjangji angu.
Sri Lanka teloki gold 25, silver 59 aser bronze 90 densema, ajak agi medal 174 agizüka tanabuba aser Pakistan telokia gold 11, silver 33 aser bronze 47 densema, ajak agi medal 90 agizüka tasembuba jenjang nung lir.
Tanü asayamong anogo 8 buba nung India nunger toktepa tsüngtepertemi gold 7 agizüka tsüngteptsü shilem nung ajak agi gold 25 agizüker telok kümogo.
India’er tetsür football telokia goal 4-0 agi Nepal madak final asaya koka gold agizükba osang jangjaogo.
Commonwealth Games silver medallist, L Devendro Singh-i tebur temang touzük seret 49 taret, Madan Lal-i seret 52 taret, Shiva Thapa-i seret 56 taret, Vikas Krishan-i seret 75 taret, Dheeraj Rangi-i seret 60 taret, Manoj Kumar-i seret 64 taret aser Mandep Jangra-i seret 69 taret shilem nung India asoshi tanü gold agizüktsü.
India’er prangpong kashishirtemia gold 25, silver 10 aser bronze 10 densema, ajak agi medal 45 tashi agizüka iba tetoktepba nung medal timba agizüker telok kümogo.
Gurpreet Singh-ia tebur individual 25m rapid fire pistol gold agizük aser Sweta Singh, Heena Sidhu aser Yashaswini Singh Deswal nungeri tetsür individual 10m air pistol gold agizükba den külemi, Heena Sidhu-ia 10m air pistol shilem nung gold, silver aser bronze agizüka liasü.
India teloki tebur aser tetsür na prongla indang team gold-a agizükba osang jangjaogo.
Asüng, Mongolbar nüa India tsür, MC Mary Kom-i Sri Lanka tsür, K Anusha Dilrukshi den tetsür temang touzük seret 51 taret shilem final asayatsü aser India tsür, Pooja Rani o Sri Lanka tsür, Andaraweer Nilanthi na seret 75 taret final nung ajuruteptsü.
You must be logged in to post a comment Login