12 buba SAG: Mary Kom o Sarita nati India tenüng nung shilem agitsü

Shillong, January 23 (Agencies): India northeast kübok Guwahati aser Shillong na nung taruba February ita agitsü ayongba 12 buba South Asian Games 2016 asayamong nung MC Mary Kom, L Sarita Devi aser Pooja Rani nungeri India tenüng nung toktepa shilem agitsü jenjang nguogo.
Shillong kübok NEHU, SAI Special Area Games nung ayongba South Asain Games Test & Elite Women’s National Boxing Selection trial sentong nung pei temang touzük shilem final asaya akokba sülen par asemi tan asayamong nung shilem agitsü jenjangji angu.
Asian Games gold medallist, Mary Kom-i Sarjubala Devi madak takok ngua fly weight shilem nung SAG asayamong nung shilem agitsü jenjang angu.
Sarita-ia light weight shilem nung Soniya madak takok ngua SAG nung shilem agitsü jenjangji angu aser Pooja-ia Aruana Mishra middle weight shilem nung tsükdakja jenjang tajungji ajangzük.