13 buba Asian Shooting C’ship: India-i maneni medal 7 agizüker

Kuwait City, November 05 (Agencies): Tang tasayadak 13 buba Asian Shooting Championship nung shilem agiba India teloki tanü, Brehostibar nüa gold 5 densema, ajak agi medal 7 tashi agizüka kanga junga shilem agiogo.
Tanü medal agizükbaji densema, India-i tan asayamong nung ajak agi medal 21 tashi agizüker lir.
Tanü asayamong tasembuba anogo nung Shainki Nagar-i youth 10m air pistol final nung points 197 tashi ngua gold aser Samarjit Singh-i bronze India asoshi agizük.
Tenati team tetoktepba nunga ajak agi points 1690 ngua gold medal agizük.
Kasa shilem nung Korea teloki points 1677 aser Thailand teloki points 1629 ngua silver aser bronze medal agizüka liasü.
Sumedh Kumar-ia tebur junior 10m air pistol tetoktepba nung bronze ka agizüka tan agi tan asayamong nung medal 3 buba agizüker kümogo.
Hemendra Kushwaha aser Achal Pratap Grewal na den külemi lungjemer külen, Kumar-i points 1706 ngua team shilem indang gold medal-a agizük.
Tebur junior 50m rifle prone shilem nunga Swapnil Kusale-i points 185.4 ngua gold agizük.
Kasa shilem nung Qatar nunger Mohammad Saad Almubarak-i silver aser China nunger Ce Wang-i bronze agizük.
Swapnil Kusale, Ishan Goel aser Akhil Sheoran nungeria team shilem nung points 1839.4 ngua India asoshi gold ka agizüktsü.
Kasa shilem nung Korea o China nati silver aser bronze medal agizük.