13 buba NLA indang session pungububa tenzükogo

Dimapur, February 7 (TYO): February 7, 2020 nungi 13 buba NLA indang session pungububa tenzükogo aser tanep senden tenzükdang tasürtem bilemteta tetushi agütsü.
Chief Minister Neiphiu Rio, Speaker-in-charge Sharingain Longkumer aser Opposition Lennir T.R. Zeliang nungertemi asür NLA züngsem ana nem tetushi agüja jembi.
Asür Melhupra Vero ya January 24, 2020 nü Dimapur nung asü. Pa ya Nagaland nungi mezüngbuba Rajya Sabha MP liasü aser Cabinet Minister-a inyak.
January 30, 2020 nü taoba Nagaland Chief Secretary Z. Obed, IAS asü. Pa ya Chief Secretary inyakba sülen Cabinet Minister inyaka liasü.
Tanü senden nung Nagaland chif minister Neiphiu Rio-i Excise and Prohibition, Chief Electoral Office, Science & Technology, Horticulture, Art & Culture indang Administrative report of 2019-20 benok.
Maneni, Home Department, Agriculture department, Information & Public Relation department, department of Rural Development department and department of Technical Education indang Annual administrative reports 2019-20 benok.
Chief Minister Rio-isa assembly nung Nagaland Rights of Person with Disabilities Rules, 2019 Department of Social Welfare benok.
Health & Family Welfare Minister S. Pangyu Phom-ia Nagaland Human Immunodeficiency virus and acquired Immune Deficiency syndrome (ombudsman and Legal Proceeding) Rule 2019 indang copy ka benok.
Tanü senden nung Government Bills benokbatem rongnung- The Nagaland Goods and Services Tax (Amendment) Bill, the Nagaland Produce and Livestock Marketing (promotion and facilitation) Bill 2020 aser North East Christian University (First Amendment) Bill 2020 dena lir.
Question Hour mapang MLA Yitachu-i Kohima Smart City Project kübok mapa inyakba osang metetnüa asüngdang.
Pai Municipal Affairs Department indang Minister-in-charge dang Kohima Smart City Project atema sen kwi lemzük aser tanü tashi nung kwi agütsü aser mapa inyakba osang asüngdang.
Iba tasüngdangba atema Minister Metsubo Jamir-i langzüdang “Kohima Smart City Project atema senji Rs. 198 Crore lir aser iba nungi tang tashi nung Rs. 113 Crore agütsüogo” ta ashi.
Iba mapatong kübok KMC aser Smart City Office dang renemogo aser aika teinyakdak lir, ta paisa shisem.
Iba mapang Opposition Lennir T.R. Zeliang-ia Smart City Project atema sen agütsüba tangalen amshiba atema asüngdang.
“Centre dang nungi temelaba melii Old Medical Directorate aser Old NST nung Multi Level Car Parking aser Capital Cultural Hall ama mapatem inyaker? Iba amai inyakra Kohima Smart City Project nung tetsükdaktsü ajurutsü” ta Zeliang-i ashi.
Idangji Metsubo-i “State sorkar nungi temelaba shitak meshiba sülen senji belena amshi aser iba ya Kohima nung traffic timtem azüoktsü atema lir” ta langzü.
“Center nung temelaba meshitsübaji kanga tim aser department-i tekaratiba nung ibaji tezüluba nung meshitsü” ta paisa shisem.
Nagaland nung scholarship tapu balala agir ajak agi nisung 39,684 lir, ta tanü Higher and Technical Education Minister, Temjen Imna Along-i metetdaktsü.
Assembly nung MLA Kuzholuzo Nienu-i iba atema tasüngdangba agütsüba langzüdang “Nagaland nung scholarship angur 38,201 aser tangalen 1484 lir” ta Along-i ashi.
Scholarship tapu balalaji Post Matric Scholarship (ST), State Merit Scholarship, State Research Scholarship aser NEC Scholarship lir aser 2018 nungi 2019 December tashi scholarships ajak agütsüogo, ta Minister-isa metetdaktsü.