14 buba Lt. Imtitemjen Memorial TT asayamong ayonger: MDTTA

Dimapur, September 13 (TYO): Mokokchung kübok Multi-purpose Sports Complex nung 14 buba Late. Imtitemjen Memorial Table Tennis (TT) Tournament taruba October ita 3-4 nü asayatsü ayongba osang ka Mokokchung District Table Tennis Association (MDTTA)-i tanü sangdong ka ajanga metetdaktsüogo.
Iba asayamong ya tebur & tetsür singles, tebur & tetsür doubles, tebur & tetsür Under 21 singles & doubles aser tebur & tetsür Under 15 singles & doubles küma lemsar toktepa asayatsü renema lir.
Asayamong nung shilem agitsü form tan September ita 14 nü nungi tenzüka angutsü aser kasaji temonoba agi tan September ita 30 nü tashi nung tayonger ket tongtsütsü asoshi kasa sangdong ajanga metetdaktsüogo.
Asayamong nung shilem agitsü form-ji Assets (FAC bus stand anasa), Greeting Craft (MTBA Basement) aser Image Studio (Arkong Ward) nung angutsü.
Iba asayamong den sentakba osangtsüsang tali jangjashitsü jangrartemi Phone no. 9615849847/9089542798 ajanga tongteprateptsü akok.