15 buba Nagaland Chess: Sukavi o Nipeto na champion kümogo

Kohima, May 26 (TYO): Sukavi Achumi aser Nipeto Hesso na 15 buba Nagaland State Chess Challenger champion tanü, Brehostibar nü kümogo.

Nagaland Chess Association (NCA)-i ayonger külen Kohima kübok Red Cross Conference Hall nung iba tetoktepba ya tan May ita 23 nü nungi tenzüka tanü tashi agia liasü.

Sukavi-i Open shilem nung aser Nipeto-i Under-16 (U-16) shilem nung temaba jenjang ngua champion aküm.

Open shilem nung Tokuho Awomi aser Hekugha Heka Yeptho nati 2 buba aser 3 buba jenjang angu aser Sedevituo Rio aser Kunvuto Awomi nati U-16 shilem nung 2 buba aser 3 buba jenjang ngua liasü.

Tan takok angur ajunga nem takok marok o kulikaket den  senpet sen agütsü aser shilem agir ajunga nem shilem agiba kulikaket agütsü.

Ano külen, Taruba June ita 14-17 nü tashi Kohima nungsa asayatsü ayongba Nagaland State Premier ‘A’ Chess Championship nung toktepdaktsütsü atema yaküm agiba tetoktepba nung temaba jenjang angur asayar 4 den tan tetoktepba Open shilem nungi asayar 16 tashi shimba osanga jangjaogo.

Premier ‘A’ tetoktepba atema shimer asayar rong nung Sukavi  Achumi, Tokuho Awomi, Hekugha Heka Yeptho, Neikehiezo Zinyu, Visanyuzo Kuotsu, Toikhu Awomi, Vekuho Soho, Ketholelie Nisa, Setso Peseyie, Sede Nagi, Y. Vizheto Shohe, Viseyie Yano, Denis Angami, Bovito Yeputho, Helie Rupreo aser Toivi Yeps nunger densema lir.