15 Top Global Thinkers rongnung Sushma Swaraj densema lir

New Delhi, December 14 (Agencies): Foreign Policy magazine indang ‘2016 list of 15 Global Thinkers’ rongnung India External Affairs Minister, Sushma Swaraj-a shimogo. Website post ka ajanga Foreign Policy magazine-i, taküm küm tetenzüklen Saudi Arabia nung India nunger mapa inyaker nisung 10,000 mapa makai akumba ajanga aya-tzüra tensa ka nung alidang Sushma Swaraj-i social media website ajanga followers million 6 den iba onük indang tweet süa liasü, ta ashi.
“Iba sülen hopta aika Swaraj-i social media ajanga Indian embassy-i chiyungtsü lema agütsüba, taa manguba indang aser sorkari achaayanga kidangi shilangtsü atema transport renemtsüba indang metetdakja aru,” ta magazine-isa ashi.
Lai internet ajanga bendanglen tongtepratepbaji tang mezüng masü, ta shia magazine-isa, “Yemen nungi India nunger anitetba nungi tenzüka passports samartem atema melentsüba ajanga lai ‘the common tweeple’s leader’ nüngja ajangzüktetogo,” ta ashi.
Global Thinkers tarensen nungsa German Chancellor, Angela Merkel, Indonesia Tir, Joko Widodo, Canada Ato kilonser, Justin Trudeau, taoba UN Secretary General, Ban Ki-moon aser taoba US Secretary of State, Hillary Clinton nungera densema lir.
Tawa Sushma Swaraj All Indian Institute of Medical Sciences (AIIMS), Delhi nung operation agia tezüngjang melena liasü.