SI Jamir-i 26 buba Rotary International District 3240 conference tenzüktsü

SI Jamir-i 26 buba Rotary International District 3240 conference tenzüktsü

Hokolbarnü Urban Haat, Dimapur nung Wb. SI Jamir-i milen ka tsükloka 26 buba Rotary International District 3240 conference lapoktsüba angur.

Dimapur, January 8 (TYO) : Rotary Club, Dimapur-i ayongzükba 26 buba Rotary International District 3240 conference Hokolbar nungi Urban Haat, Dimapur nung tenzükogo.
Iba mungdang ya ‘Hornbill’ omen nung ajemdaker amunger aser tanü S I Jamir, Advisor to Chief Minister, Urban Development-i mungdang lapoktsü.
Rotary ama alima nung lokti tulu ka nung züngsem akümtsü mulungtetbaji takok tulu ka anguba ama lir ta tanü SI Jamir-i o jembidang ashi.
Meimchir asoshi inyaktsü mulungtetba atema SI Jamir-i Rotarians ajak nem tenüngsang agütsü aser paisa Dimapur Rotarians nunger dang pelaba metetdaktsü.
Paisa ashiba agi, Naga nungertemi meimchir tenzükba wadang nung shilem magiba atema nemjema bilemer aser Dimapur Rotary Club nung züngsem noklang nung shilem 50 bo Naga nunger asütsüla.
SI Jamir-isa linük nung telok balala tsüngda meputep adokba atema shisabulua bilemba indang olen ka jembidang, “telok balala tsüngda yimjung nung melira, linük ketdangsübaren nung timtem ajurutsü aser telemsa adoktsü. Anungji iba khuret atema Rotarians-i süoki bilemtsü mepishir” ta pai ayongzük.
Tanü sentong nung District Governor Chandu Agarwal-i okila jembi aser Rtn PDG Mohan Palesha-i ‘social sensitivity’ onük jembi.
Sentong nungsa tesüiba District Governors nem tetushi agütsüba mapang liasü, conference chairman (Rtn) Dr. D.R. Sharma-i tesentepertem pela agizük aser Rotary Club, Dimapur president (Rtn) Temsusenla Kichu-i omen indang rasa metetdaktsü.

You must be logged in to post a comment Login