16 buba NSF: Alianza FC & New Market XI prequarter-i iogo

Kohima, September 29 (TYO): Alianza Football Club, Dimapur aser New Market XI telok nati tanü Mongolbar nü takok ngua shilem agiba sülen tang tasayadak 16 buba NSF football asayamong prequarterfinal nung shilem agitsü jenjang nguogo.
Tanü mezüngbuba asaya nung Alianza teloki goal 2-0 agi Kohima Science College telok madak takok angu.
Mosa Chawang aser Shelminthung nati asaya tenzüker minute 12 aser 27 buba na nung par Alianza telok asoshi takokba goal 2-ji agütsü.
Kohima War Cemetery anasa, Box Cutting tesem nung asangur kari tepsetsang, New Market ‘B’ telok asayar, asür Medosetuo Suohu nem aküm agüja New Market asayartemi pei teka nung sü tanak mesür tanabuba asaya nung shilem agiba jakdang, parnoki minute 1 tashi ola madoki nokdaka tanü aküm agüja liasü.
Tesülen, New Market teloki goal 5-0 agi Oriental College Kohima madak tanabuba asaya nung takok angu.
Kemp-i asaya tenzüker minute 18 aser 23 buba na nung goal 2 tashi agütsüba ajanga par New Market telok goal 2-0 agi tema jenjang angu.
Külem asayar, Velukho Rhakho aser Rhitsho Mero natia minute 50 aser 59 buba na nung goal ka ka agüja par New Market telok maneni temaba jenjang nung ajungkettsü.
Tesülen, asaya tenzüker minute 68 buba nung Kemp-isa goal 1 agüja hat-trick yangluba den külemi, par New Market telok nem takokba bener arutsü.

September 30 nü asaya  yamai alitsü:
1. Tiema-Khe, Kidima vs Veracious FC Phek @ 12:30 pm
2. Medziphema Village SU vs Addax FC @ 2:00 pm