Kohima, September 17 (Agencies): Taoba mapang takok marok 3 ben tashi agizükba Naga Boys Club teloki 16 buba NSF Martyrs Memorial Trophy asayamong anogo tanabuba, tanü Brehostibar nü mezüngbuba round asaya nung tamakok ajuruogo.
Küm 10 tsüngda nung tan mezüngsüa shilem agiba Naga Boys telok ya Sechü Zubza Youth Organisation (SZYO) teloki goal 5-1 agi tsükdaktsü.
Tanü asaya nung Thejavilie Sirie, Petevikho Kitshü, Akhobu Miasalhou aser Zhavilie Meyase nungeri par SZYO telok asoshi goal agüja liasü.
Naga Boys striker, Lhoulavolie Linyü-ia asaya tenzüker minute 50 buba nung par telok asoshi goal 1 agütsü.
Ano külen, Yhome FC, Kohima; 10th NAP (IR) XI aser Country Boys FC teloktemia tanü asaya nung takok ngua 2 buba round asayatsü jenjang nguogo.
Yhome teloki goal 4-0 agi Phezhu Boys Club, Jotsoma akok, 10th NAP teloki tie-breaker metsütepba sülen goal 5-4 agi ICFAI University, Nagaland tsüdaktsü aser Country Boys telokia tie-breaker metsütepba sülen Billy Graham FC, Kohima madak takok angu.
September 18 nü asaya yamai alitsü:
FC Lenlem, Kohima vs Get Them Go, Kohima @ 9.30 am
Laü Youth & Students’ Org MNP vs Zodiac FC Tekhuba @ 11 am
4th NAP BN vs New Market B @ 12.30 pm
The Tribal FC Kohima vs Kohima College @ 2 pm
16 buba NSF asasyamong: Naga Boys teloki tamakok ajurur added by nungsang on
View all posts by nungsang →
You must be logged in to post a comment Login