
Kohima, September 22 (Agencies): Addax FC (AFC), Meriema Village Youth Organization (MVYO), Khulioh King Tuensang (KKT) aser Kohima Science College (KSC) nungeri tanü Mongolbar nü takok ngua tang tasayadak 16 buba NSF asayamong nung maneni shilem agitsü jenjang nguogo.
Tanü mezüngbuba asaya nung Addax teloki goal 5-0 agi Taurus FC Kohima madak takok angu.
Nighatu Assumi, Nganshi Manen, Toshi Yanger, Lamngamba aser Medoneituo nungeri asaya tenzüker minute 3, 16, 46, 52 aser 60 buba nung par Addax telok asoshi goal ka ka agüja tanü takokbaji bener arutsü.
Petevizo aser Neilabeituo nati minute 64 aser 69 buba na nung goal ka ka agütsüba ajanga par Meriema telokia goal 2-0 agi Venns United FC Kohima telok madak tanabuba asaya akok.
Tasembuba asaya tenzüker minute 1 buba nung Mhalesatuo-i par Katakhrie telok asoshi goal 1 agütsüba ajanga mezüngbo par teloki takok angutsüsa jenjang angu.
Ajisüaka, Nungsang aser Bei nati goal asemsem agüja hat-trick 2 tashi yangluba den külemi, Thangpong-ia minute 40 buba nung goal 1 agütsüba ajanga Khulioh teloki goal 7-1 agi Katakhrie telok madak ayong ayonga takok angu.
Science College telokia tanü tie-breaker metsütepba sülen goal 3-1 agi Kings FC telok madak pezübuba asaya koka tanabuba round nung asayatsü jenjang ngua liasü.
September 23 nü asaya yamai alitsü:
MT Youth Club Kohima vs Street Hawk Kohima @ 9:30 AM
Pro-Streax United Dimapur vs Young Zeal, Kohima @ 11:00 AM
Khuzama Youth Org vs St. Joseph’s College @ 12:30 PM
Nagaland University vs Capital College of Higher Education
@ 2:00 PM
You must be logged in to post a comment Login