16 buba NSF Martyrs’ Trophy September nungi tenzüka asayatsü

Dimapur, August 07 (TYO): 16 buba NSF Martyrs’ Memorial Trophy 2015 taruba September ita 14 nü nungi tenzüka taküm October ita 14 nü tashi Kohima Local Ground nung asayatsü renemba osang ka asayamong tayonger, Angami Students’ Union (ASU)-i tanü sangdong ka ajanga metetdaktsüogo.
Pei taküm tenlaba kaketshir lenir, asür Kekuojalie Sachü aser Vikhozo Yhoushü na nüngtem nung iba asayamong ya 1980s tatembanglen nungi tenzüka ayong aser 1992 küm nungi tenzüka tanü tashi iba asayamong ya open yimya nung ayonga asayar.
‘Goal For Peace’ omen nung ajemdaker ayongba NSF asayamong ya tanübo Nagaland ajunga nung ayonga asayaba football asayamong rong nung tejenba kümogo.
Peren district nung tentetba Barack Football Club-i 2014 küm ayongba NSF asayamong takok marok agizüka liasü.
16 buba NSF asayamong nung shilem agitsü shiti taruba hopta nungi tenzüka angutsü ta Secretary, Games & Sports, ASU, Vizokho Zashümo-i metetdaktsüogo.