16 buba NSF Trophy asayatsü mapang atsülangshir

Kohima, August 21 (TYO): 16 buba NSF Martyrs’ Memorial Trophy asayamong asayatsü mapang atsünglangshiba osang ka Angami Students’ Union (ASU)-i tanü sangdong ka ajanga metetdaktsüogo.
16 buba NSF asayamong ya taruba September ita 16 nü nungi tenzüka asayatsü asoshi mezüngbo ayong saka iba sentongji melenshia taküm October ita 15 nü nungi ang tenzüka asayamongji asayatsü asoshi mapang atsülangshiogo.
Ano, 16 buba NSF asayamong nung shilem agitsü jangrartemi tan August ita 24 nü nungi tenzüka asayamong nung shilem agitsü shiti agizüktsü aser kasaji taruba September ita 11 nü tashi nung tayonger ket tongtsütsü olen ka ASU Games & Sports Secretary, Vizokho Zashümo-i tanü metetdaktsü.
Asayamong nung shilem agitsü shitiji ASU office aser Kohima jila nung tentetba tongti saisapong osettsüset ayokdak balala nungi angutsü ta pai ashi.