17 buba MAMI Film Festival tenzükogo

Mumbai : Bollywood actors Alia Bhat, Sidharth Malhotra, Katrina Kaif, Hrithik Roshan aser Kangana Ranaut, 17th MAMI Film Festival mapang Nita Ambani den kulemi agiba noksa.

 Mumbai, October 30 (Agencies) : 17 buba MAMI Mumbai International Film Festival lapokba sentong nung Bollywood actor nüngtugutem aikati shilem agi.

Iba sentong nung Kangana Ranaut, Hrithik Roshan, Katrina Kaif, Alia Bhatt, Sidharth Malhotra, Maharashtra Chief Minister Devendra Fadnavis, industrialist Mukesh Ambani aser kinungtsü Nita nungertem aden.

Yaküm iba sentong ya senotsü peria maliba ajanga timtem ajuru saka crowd-sourcing aser social media campaigns ajanga senotsü bendena amung. Iba mapang Bollywood celebrity aikati tenala agütsü.

“Iba benjung kanga ulua aser tajungba kümogo. Movie tem reprangtsü yongyar” ta Alia Bhatt-i ashi.

Rajkummar Rao-ia iba benjung nung adentsü atema kanga pelaba metetdaktsü. Taküm benjung nung pai shilem agiba film Aligarh sayutsü.

MAMI benjung nung Nawazuddin Siddiqui indang Haraamkhor nungi film tejen Guru Dutt’er Pyaasa, Satyajit Ray’er Apur Sansar aser MS Sthyu’er Garam Hawa nungertem sayutsü.

Taküm atema shilem tasen ka enoksembaji Movie Mela lir. October 31 nü Mehboob Studio nung “Bollywood Next 5 years” olemtep agitsü aser iba nung Alia, Parineeti Chopra, Kriti Sanon, Arjun Kapoor, Ayushmann Khurana aser Aditya Roy Kapur nungertemi shilem agitsü.

MAMI lapokba sentong nung Aditya Roy Kapur, Huma Qureshi, Kartik Aaryan, director Ayan Mukerji, filmmaker Kabir Khan aser pa kinungtsü Mini Mathur nungertema aden.