17 buba NSF Martyrs’ Memorial Trophy osang

Kohima, October 5 (TYO) : Anogo ka anisüngzükba sülen Brihostibar nungi Kohima local ground nung 17 buba NSF Martyrs’ Memorial Trophy maneni asayatsü.
Mongulbar tashi nung asaya 33 asayaba nung goal ajak agi 117 idaktsüogo aser asayar 7-i hattrick 8 tashi agütsütet.
Taküm asayamung nung goal teimtiba yokba asayaji Nagaland Police (Red)-i goal 11-0 agi Wiggles FC madak takok anguba lir. Ano, asaya ka nung double hat-trick anguba telokji Nagabazar YO lir.
17 buba NSF Martyrs’ Memorial Trophy nung goal tekaratiba agütsübaji Upper Bayavü YO nungi Joseph (13)-i yokba lir. Pai asaya tenzüker second 30 tsüngda goal idakja liasü.
October 6 asayatem:
1. Tsiekedi vs Arkca FC @ 9:30 am
2. Asüfü Christian Institute vs Veracious FC Zapami @ 11:00 am
3. Zodiac FC Tekhuba vs Chedema FC @ 12:30 pm
4. Barak FC vs WASU @ 2:00 pm