17 Chizami ACCC senden Mongputeni 9 nü agiogo

17 Chizami-ACCCDimapur, Mongputeni/October 10 (TYO): 17 Chizami ACCC senden Chizami Town Hall nung Mongputeni/October 9, 2018 nü kaogo. Iba senden nung ACCC aser Village unit ketdangpurtem aser party züngsemtem dena liasü. NPCC, Vice President, Khriedi Theunuo iba senden nung aden aser pai nüburtem nem tashi agütsüba party indang police aser sentongtem lemsatep.
Paisa, linük nung Ato Kilonser Narendra Modi-i anir NDA sorkari rongsenkettsüng meshidaki amshir aser iba den totzü anogo shia jenjang atur, ta ashi.
NPCC, Vice President aser iba constituency nungi taoba party Candidate, Shilumar Vetetso Lasuh-i senden nung o jembia liasü. Pai party züngsemtem dang telungjem aser yimya yimpong azüoka alitsü ajungshiba den party metoktsüi akangakanga alitsü asoshi ashi kechiyong par party yakta tashi dangi arutsü ta ashi.
Maneni taoba general election nung Congress candidate Kewepelo Tsuha-ia o tatsüka jembi. Pai party züngsemtem dang kibong ka ama amalitepa inyaksangshitsü asoshi ajungshi. Iba senden ya 17th Chizami ACCC, general secretary Khrote Therie lenisüba kübok aka, ta NPCC Media Cell sangdong ka ajanga metetdaktsü.

You must be logged in to post a comment Login