Vin Deisel den film tangoktsü atema Deepika Canada-i ogo

Deepika-padukone-leaves-canadaFebruary 04, 2016: Bollywood actress Deepika Padukone Vin Deisel den külemi Hollywood film, “xXx: The Return of Xander Cage” film tangoktsü atema la khu renemer Canada-i ogo.

Mongolbar aonung Delhi nung NDTV Indian of the Year 2015 awards sentong nung Hindi film “Bajirao Mastani” nung la den külemi shilem agisang Ranveer Singh-i, Hollywood project atema Deepika Canada-i ogo, ta metetdakja liasü.

Award sentong nung “Piku” film nung Deepika den külemi shilem agisang Amitabh Bachchan aser Hero MotoCorp. Chairman, Pawan Munjal nati Deepika nem Actor Of The Year award agütsü.

Deepika-i Hollywood film nung shilem agitsü aliba dak sentakba nung Ranveer-i, “Deepika, onok na ajanga nüma tangteter. Hollywood Blockbuster tangoktsü atema na taonung (Tuesday) apusoa aor asünung, onoki tajungtiba atema sarasademtsür. Nai maparen tasenba nungji takok nguteta maneni onok nüma tangdakjang,” ta ashi.

Osang ka ajanga angazükba agi, anogo ana-asem tsüngda Deepika iba film tangok tenzüktsü.

“xXx: The Return of Xander Cage” ya 2017 küm sayatsü.

2015 küm Deepika-i shilem agiba film asemprong- “Piku”, “Tamasha” aser “Bajirao Mastani” ajanga takok tulu nguogo.

You must be logged in to post a comment Login