18buba NSF Martyrs’ Memorial Trophy osang

Kohima, September 30 (Agencies): Tang tasayadak 18buba NSF Martyrs’ Memorial Trophy nung High Area Taxi Drivers XI, Chedema Village Youth Organisation, Naga Bazaar FC aser Government Polytechnic Kohima nungeri pei tata asaya kokogo.
Tanü mezüngbuba asaya nung High School Taxi Drivers XI-i, Agape FC 2-1 agi kokogo. Taxi Drivers nungi asayar Kevilevor aser Khriebu nati minute 10 aser 27buba nung goal kaka agütsü. Iba sülen Agape FC nungia Keveivekhe minute 60buba nung goal ka agütsü saka parnoki tanabuba goal meküptoktet.
Tanü asaya tanabuba nung Chedema Village Youth Organisation (CVYO)-i 9-1 agi 12 Tribe United FC madak takok nguogo. Asaya tenzüker minute 10buba nung Rokosazo Chakrüno-i mezüngbuba goal agütsü aser iba sülen pai maneni minute 29, 47, 61 aser 69 buba nung ta goal pezü agütsü. Pa iba asayamung nung hat-trick agütsür pongububa kümogo. Mannei, Kevineizo Tsira(16), Rokoneito Thevo (34), Kobou Kiwe (68) aser Keneisezo Keyho (73) nungeria asaya nung goal kaka agütsü.
12 Tribes United nungi asayar Bamo L Khiamniungan-i minute 56buba nung goal ka agüja liasü.
Tasembuba asaya nung Naga Bazaar FC-i, Kohima Science College goal ka agi kokogo. Asaya nung minute 59 or goal kaji T Meren Jamiri idaktsü. Maneni Government Polytechnic Kohima puria Kohima Bible College goal ka agi akok. Iba goal ya Shingwang-i minute 14buba nung agütsü.
Hokolbarnü asaya nung Renegades puri Seiyhazou Hills Boys FC 2-0 agi akok, Speartex FC puri Old Ministers Hill FC 2-1; Billy Graham FC puri Athletics Boys 7-0 aser Kirha Youth Society Viswema-i FC Chetheba Phek 3-1 agi kokogo.
Brehostibarnü tatembangbuba asaya nung Kirha Youth Society, Viswema-i FC Chetheba, Phek 3-1 agi koka asayamung tanabuba round-i iogo.
October ananü asaya yamai alitsü:
Eleven Avengers vs TTYO AG @ 11am
Kohima Royal Kickers vs Tyrants FC @ 12:30pm
Zeal Sporting Club vs Rooster Club, Phesama