18buba NSF Martyrs’ memorial Trophy osang

Kohima, October 4 (TYO): Forerunners 4th NAP Thizama aser G Sporting Club, Dimapur nati tang tasayadak students’ memorial soccer tournament nung tanabuba round nung parnok tata asaya koka pre-quarter finals-i iogo. Iba asayamung ya Angami Students’ Union-i ayongzüka Kohima local ground nung asaydar.
Tanü asaya mezüngbuba nung Forerunners 4th NAP Thizama-i 5-1 agi Putu FC Zhavame Phek madak takok nguogo. Asaya nung mezüngbuba goal police team nungi asayar Agou Lengthong-i minute 1.30 nung idaktsü aser iba sülen Kezhoe Mathew-i 6, 12 aser 61buba nung, ta hat-trick agütsü. Pa ya iba asayamung nung hat-rick agütsür trokbuba kümogo. Police pur aetma asaya nung goal pongububa Purakum-i minute 63buba nung idaktsü.
Asaya tatemtsü minute asem lia Putu FC Zhavame nungi asayar Vincent-i goal ka agüja liasü.
Tanabuba asaya nung G Sporting Club, Dimapur-i Fosters’ FC madak 2-0 agi takok nguogo. Vizosie-o Metha-i minute 33buba nung mezüngbuba goal agütsü aser iba sülen minute 40buba nung Vitsizolie Nagi-i tanabuba goal agütsü.
October 5 nü asaya yamai alitsü:
KVNS vs Speartex PC Kohima @ 12:30pm
Esü United FC, Manipur vs Butchers Union FC @ 2:00pm