18buba NSF Martyrs’ memorial Trophy osang

Kohima, October 6 (TYO): Tang tasayadak NSF Martyrs’ Memorial trophy nung Khyouchi Football Club Manipur, Tangkhul Students’ Union aser Billy Graham FC nungeri pei tata asaya koka Pre-quarter finals-i iogo.
Tanü asaya mezüngbuba nung Khyouchi FC Manipur-i 4-0 agi Kirha Youth Society Viswema madak takok angu. Asaya nung mezüngbuba goal Khyouchi FC nungi asayar Sülounü-i minute 21buba nung idaktsü aser iba sülen minute 34buba nung Reuden-i tanabuba goal idaktsü. Maneni asaya nung tasembuba goal Zhaipu-i minute 56buba nung idaktsü aser Sülounü pa atema tanabuba aser par telok atema pezübuba goal minute 70buba nung idakja parnoki asaya akok.
Tanabuba asaya nung maneni Manipur nungisa asayar telok, Tangkhul Students’ Union-i Renegades FC madak 3-0 agi takok nguogo. Asaya nung mezüngbuba goal Thomvo L. Shimray-i minute 17buba nung idaktsü iba sülen tanabuba goal Khongreiwo-i minute 43buba nung aser Themyoi Jaja-i minute 52buba nung tasembuba goal, ta idakja parnoki asaya ayong ayonga akok.
Tanü asaya tatembangbuba nung Billy Graham FC-i 2-0 agi King FC Chüziema madak takok nguogo. Rahul Kamei-i Billy Graham FC pur atema mezüngbuba goal minute 26buba nung idaktsü aser iba sülen minute 58buba nung Alban Kamei-i tanabuba goal idakja parnoki asaya akok.
October 7 nü asaya yamai alitsü:
Nagabazaar FC vs Bickrazou @ 11:00am
* High School Taxi Drivers XI vs Lamphel FC Manipur @ 12:30pm
* Khriekesa FC vs Chedema Village YO @2:00pm