18buba NSF Martyrs’ Memorial Trophy osang

Kohima, September 28 (TYO): Tang tasayadak aliba 18buba NSF Martyrs’ Memorial Trophy football asayamung tanü Kohima Local Ground nung asayadang Fosters’ Football Club, Putu FC Zhavame, Butcher Union aser Kings FC teloki pei tata asaya nung takok ngua tanabuba round-i iogo.
Tanü mezüngbuba asaya nung Fosters FC-i Speed Talented Junior telok madak 3-0 agi akok. Fosters FC nungi Kevibou Kense-i asaya tenzüker minute 26 aser 63buba nung goal kaka agütsü aser Ase Seyie-i minute 21buba nung goal ka agütsü.
Tanabuba asaya nung Putu FC Zhavame-i Sports Link FC madak 3-2 agi akok.
Iba asaya tenzüker minute 5 aser 8buba nung Sport Link telok nungi Hüveto D. Vadeo-i goal kaka agütsü. Saka minute 9buba nung Putu FC nungi Vipaitu Krocha ajanga par telok asoshi mezüngbuba goal agütsü aser kasa telok nungi Tamthing A.S-i minute 17buba nung goal agütsüteta telok ana tsüngda goal 2-2 agütsüteter liasü. Asaya tanabuba shilem tenzüker minute 54buba nung Vipatu-i Putu FC asoshi goal ka agütsütet.
Tasembuba asaya nung Butcher Union FC-i 14 NAP (IR) Kiphire madak 6-1 agi akok.
Asaya tenzüker minute 6buba nung Khriekethozo-i Butcher telok asoshi mezüngbuba goal agütsütet aser minute 12 aser 18buba nung Pete-i goal kaka agütsütet aser minute 53buba nung pai-sa tasembuba goal agütsüteta pa iba asayamung nung hat-trick agütsür tasembuba kümogo. Butcher telok nungi Neikethozo aser Mezhüsietuo natia minute 27 aser 60buba nung goal kaka agütsütet.
14 NAP (IR) telok nungi goal ka agütsütetba ya asaya tenzüker minute 50buba nung Rokozhazo-i agütsütet.
Brehostibarnü asoshi tatembang buba asaya nung Kings FC Chüziema teloki Patkai Christian College, Dimapur madak 2-1 agi akok.
Kings FC nungi Menguzelie Rutsa-i asaya tenzüker minute 11buba nung mezüng goal agütsü saka Patkai telok nungi Kevitsikho tyi-i minute 12buba nung goal ka agütsüteta asaya mezüng shilem tembangdang 1-1 liasü. Tanabuba asaya tenzüker minute 52buba nung Kings FC telok nungi Mezhüsielie Pienyü-i takok goal ya agütsütet.
September 29 nung asaya yamai alitsü:
Seiyhazou Hills Boys FC vs Renegades FC @ 9:30 am
Speartex FC Kohima vs Old Ministers’ Hill FC @ 11:00 am
Athletico Boys vs Billy Graham FC @ 12:30 pm
Kirha Youth Society, Viswema vs FC Chetheba Phek @ 2:00pm