1901 nungi 2014 küm tashi ……….

1901 nungi 2014 küm tashi nung tasü tait, nendaka inyakba aser taküm bendanga agütsüba reprangteta alima nung tematiba sempet , Noble Peace Prize angur tetsür 16 indang tatsü agi yamai :

1905 : Baroness Bertha von Suttner, June 9, 1843 küm Countess Kinsky, Prague nung aso. Lai 1889 küm raraba indang kaket “Lay Down Your Arms” zülu. Iba kaketji Putu 19 buba nung kanga dang tongtipang kaket ka liasü. Iba kaket züluba nüngtem nung la nem alima nung mezüngsüa ‘Nobel Peace Prize’ 1905 küm agütsü.

1931: Jane Addams, September 6, 1860 küm Cedarville, Illinois, USA nung aso. Lai Women’s International League for Peace aser Freedom 1919 küm tentet. La 1916 nungi 1931 küm tashi nung Peace Prize atema 91 ben tashi shimshia lir külen tesüsa 1931 küm ‘Peace Prize’ narokümji agizük.

1946 : Emily Greene Balch, January 8, 1867 küm Jamaica Plain, MA (Tang Boston ta ajaba), USA nung aso. Lai taküm tepiyong alima nung nok-nü ajema amshitsü aser yimjung mapa inyakba atema la nem Peace Prize narokümji 1946 küm agizük. 1935 küm Women’s International League for Peace & Freedom nung Emily Greene Balch lenisüba kübok liasü.
(Maneni taruba adok nung…)