19th NSF Martyrs’ Memorial Trophy : Centurion FC aser Rangers FC round of 16-i iogo

Centurion FC Kohima Village aser Jakhama Youth Organisation na asayadang tangokba noksa nung angur.   

Kohima, Mongputeni/October 3 (TYO): 19buba NSF martyrs’ Memorial Trophy tanü asaya Centurion Football Club Kohima Village aser Rangers FC Medziphema-i koka pre-quarter finals-i iogo. Iba asayamung ya Angami Students’ Union-i ayonga Kohima Local Ground nung tang tasayadak lir.
Tanü asaya mezüngbuba Centurion FC, Kohima Village aser Jakhama Youth Organisation na asayaa liasü koba Centurion FC puri goal 7-0 agi akok.
Centurion FC pur atema mezüngbuba goal ya Punuru Nienu-i minute 16buba nung idaktsü aser iba sülen paisa goal 4, 5, 7buba minute 61, 64 aser mapang apuloktsür asayaba mapang nung idakja liasü. Pa iba asayamung nung hat-trick agütsür 9buba kümogo. Maneni parnok nungisa Inlongchaba-i goal 2buba aser 6buba minute 19 aser 71buba nung idakja liasü aser Rabindra Meitei-i minute 60buba nung par telok asoshi goal tasembuba idaktsü.
Centurion FC nungi asayar Rabindra Meitei aser Khriekethozo Keretsü na nem asaya nung yellow card kaka agüja liasü.
Asaya tanabuba nung Rangers FC Medziphema-i goal 7-3 agi Phezhu Boys FC Jotsoma ayong ayonga kokogo. Asaya mezüngbuba shilem tembangba tashi nung Rangers FC Medziphema puri goal ana agütsür parnok tejakdang liasü. Goal ana ya Limabai minute 13buba nung ser Semin-i minute 32buba nung idaktsü.
Lemon break sülen Semin-i goal tasembuba minute 51 nung idaktsü aser Limabai minute 69buba nung goal 4buba idaktsü.
Maneni asaya nung Zumzum-i minute 72, 74 aser 79buba nung goal asem idakja hat-trick ka idaktsü.
Phezhu Boys FC Jotsoma pur atema goal asem ya Roko, Neilie aser Ngampü-i minute 66, 77 aser 84buba nung idakja liasü.
Rangers FC Medziphema nungi asayar Anoto aser Semin na nem asaya nung tallow card kaka agüja liasü.
Tanü takok anguba sülen Rangers FC Medziphema aser Centurion FC na Mongputeni/October 12 nü 12:00 ako nungi tenzüka pre-quarter finals asayatsü.
Mongputeni/Oct 4 nü asaya yamai alitsü:
1. Rüsoma VYSA vs Kohima Eagles @ 12Noon
2. Kijümetouma VSU vs St. Joseph’s College Jakhama @ 2pm