19th NSF Martyrs’ Memorial Trophy : Khuzama YO aser Senapati FC pre-quarters-i iogo

Kohima, Mongputeni/October 9 (TYO): Tang tasayadak NSF Martyrs’ Memorial Trophy tanü asaya Khuzama Youth Organisation aser Senapati Football Club-i koka pre-quarter finals-i iogo. Iba asayamung ya Angami Students’ Union-i ayongzüka Kohima local ground nung asayadar.
Hat-trick ka densema goal 5 idaktsüba sülen Kezhose Khizho-i, Khuzama YO takoki ani. Pai mezüngbuba goal asem ya minute 11, 39 aser mapang apuloktsür asayaba mapang nung idaktsü. Lemon break sülen paisa maneni goal pezübuba aser trokbuba minute 51 aser 79buba nung idakja liasü aser goal pongububa ya Vilhouvoto Sale-i minute 74buba nung idaktsü.
Kasa mapang nung Young Kickers FC pur atema goal ana ya Zavete Doulo (15) aser Shovelo Doulo (10) nati minute 23 aser 80buba nung idaktsü.
Asaya nung Khuzama YO nungi asayar Avito Thaprü nem yellow card ka agüja liasü.
Tanü asaya tanabuba nung Senapati FC-i goal 2-0 agi Modern College FC Kohima madak takok angu.
Parnok asoshi mezüngbuba goal ya Imda-i minute 26buba nung idaktsü aser tanabuba goal ya Sülounü-i minute 67buba nung idaktsü. Asaya nung Modern College FC puri goal idaktsütsü asoshi bendanga agüja asaya saka parnoki goal ka danga magütsütetei asaya tembang.
Senapati FC nungi asayar Koveo aser Modern College FC nungi asayar Kricho Kayina o Ngaopulo nunger nem asaya nung yellow card kaka agüja liasü.
Senapati FC aser Khuzama YO ya pre-quarters nung Mongputeni/October 13 nü asayatsü.
Mongputeni/October 10 nü asaya yamai alitsü:
1. Rising Star Mizoram vs Monsang SU Manipur @ 12Noon
2. Tiema-Khe Kidima vs Tribal Brothers @ 2pm
Iba asayamung tanabuba round tembangba tashi nung goal 168 agütsüogo koba average nung asaya shia goal pongungu asütsü. Tang tashi nung tie-break asemben tashi asayaba nguogo aser asayar yimya shidak mebenshir asayar 57 nem yellow card agütsüogo.
Maneni iba asayamung nung hat-trick 11 agütsüogo aser Kohima Eagles FC nungi asayar Rhitso Mero-i goal 10 agüja pai goal timtiba agüja lir aser pa sülen Khuzama Youth Organisation nungi asayar Kezhose Khizho-i goal 7 agüja pa tanabuba jenjang nung lir.